काठमाडौं, जेठ २५ गते । जनतन्त्रको पक्षमा र साम्राज्यवाद विरुद्धको एसियाली अधिवेशन काठमाडौंमा आजबाट सुरु भएको छ । राष्ट्रिय जनमोर्चाका अध्यक्ष चित्रबहादुर केसीले उक्त अधिवेशन उद्घाटन गर्नुभएको थियो । उद्घाटन मन्तव्यका क्रममा केसीले साम्राज्यवाद विश्वव्यापी खतरा रहेको बताउनुभएको छ । उहाले भूमण्डलीकरणका कारणले विश्वका विकासोन्मुख र कम विकसित देशहरुको सार्वभौमिकता र स्वतन्त्र अर्थतन्त्रमाथि ठूलो खतरा पैदा भएको उल्लेख गर्नुभयो ।

(०६९ जेठ २७ र २८ मा बसेको राजमो केन्द्रीय समितिको बैठकद्वारा पारित)
१. संविधानसभाको विघटन भएपछि देशमा अन्यौलता उत्पन्न भएको छ । आगामी मंसिर ७ गते सरकारले संविधानसभाको निर्वाचन घोषणा गरेको छ । प्रधानमन्त्री डा. बाबुराम भट्टाराइले संविधानसभा वा व्यवस्थापिका संसदको बैठक बसालेर छलफल नगरिकन नै स्वेच्छाचारी प्रकारले संविधानसभाको विघटन गरी मंसिर ७ गते संविधानसभाको निर्वाचन घोषणा गरेर एउटा अलोकतान्त्रिक कदम चालेका छन् । संविधानसभाको विघटनपछि काम चलाउ सरकारमा परिणत भइसके पनि कार्यकारी अधिकार मन्त्रीपरिषदमा नै रहेको घोषणा समेत गरेका छन् । प्रधानमन्त्रीको जेष्ठ १४ गतेको संविधानसभाको विघटन तथा नयाँ निर्वाचनको घोषणालाई हाम्रो पार्टीले तत्काल नै असंवैधानिक बताएर आफ्नो नीति स्पष्ट गरिसकेको छ । असंवैधानिक सरकारले आफूलाई संवैधानिक र कार्यकारी अधिकार सम्पन्न बताए पनि त्यो काम चलाउ सरकारमा परिणत भएको हुनाले यो सरकारलाई आगामी संविधानसभाको निर्वाचन सम्पन्न गर्ने अधिकार छैन ।

आदरणीय न्यायप्रेमी जनसमुदायहरू,

राष्ट्रिय जनमोर्चाले थपिएको ६ महिनाको अवधिभित्र संविधानको निर्माण, संघीयताको खारेजी र स्थानीय निकायको चुनावका लागि जोड दिंदै देशव्यापी आन्दोलन संचालन गर्ने निर्णय गरेको छ ।

(२०६८ भाद्र ३० र ३१ गते बुटवलमा सम्पन्न राष्ट्रिय जनमोर्चाको राष्ट्रिय परिषद्को प्रथम बैठकमा अध्यक्ष का. चित्रबहादुर के.सी.द्वारा प्रस्तुत तथा पारित तात्कालिक राजनीतिक प्रस्ताव)
तात्कालिक राजनीतिक परिस्थिति ः
१. नेपालीजनताले राजतन्त्रको अन्त गरी लोकतान्त्रिक गणतन्त्रको स्थापना गरेको पाँच वर्ष बितेको छ । यो पाँच वर्षको अवधिसम्म पनि देशले नयाँ संविधान पाउन सकेको छैन । शान्ति प्रक्रियालाई टुंगोमा पु¥याउनु, नयाँ संविधान निर्माण गर्नु, गणतन्त्रलाई संस्थागत गर्नु, समाजको आर्थिक–सामाजिक रूपान्तरण गर्नु आदि जनआन्दोलनका लक्ष्यहरू थिए ।